Alternativa ás plataformas de vídeo das Big Tech
PeerTube é unha ferramenta para compartir vídeos creada por Framasoft, unha organización francesa sen ánimo de lucro.
PeerTube xa ten unha app para móbiles, e nova aparencia na v7!
Publicamos a app PeerTube para móbiles en Android & iOS! Descubre, atopa e reproduce vídeos desde o teu móbil, nunha app deseñada pensando en ti. Como con PeerTube, a v7 trae un completo redeseño da interface. Novos decorados, menús e visualizacións… con accesibilidade mellorada.
Coñece máis e apoia a Framasoft
Que é PeerTube?
PeerTube permíteche crear a túa propia plataforma de vídeo, con total independencia.
Usando PeerTube non hai algoritmos opacos nin políticas de moderación incomprensibles! As plataformas de PeerTube que visitas están creadas, xestionadas e moderadas por quen as crea.
PeerTube permite a interconexión entre plataformas, creando unha gran rede de plataformas que son á vez autónomas e interconectadas.
Ademáis, PeerTube non depende da publicidade e non te rastrexa!
Que podo atopar en PeerTube?
Descubre as nosas recomendacións entre máis de 600.000 videos e as 1.000 plataformas da rede PeerTube
PeerTube non depende do monopolio de ningunha empresa
Igual que con outras ferramentas desenvoltas por Framasoft, PeerTube considérate unha persoa e non un produto a ser perfilado e atraparte en bucles de vídeos.
PeerTube é libre, de código aberto, creado sen propósito comercial.
Un ben común dixital ético e de código aberto
PeerTube perténceche. En todo momento podes axudarnos a mellorar PeerTube coas túas ideas, suxestións o modificando o código ti mesma.
PeerTube é software libre, non unha fórmula segreda de Google (no caso de Youtube) ou Vivendi/Bolloré (Dailymotion). A súa licenza libre garante as liberdades fundamentais das usuarias.
PeerTube existe grazas ás túas doazóns!
Framasoft non gaña cartos ao desenvolver PeerTube! Somos unha organización de interese público que obtén o 90% do seu financiamento das doazóns.
Cada aportación, incluso as menores, permítenos continuar co desenvolvemento de PeerTube. Cres que o proxecto vai na dirección correcta? Por favor, doa!
DoarPreguntas? Axudámosche!
Que é PeerTube?
PeerTube é unha ferramenta que se pode instalar nun servidor web. Permíteche crear unha web para hospedar vídeos, e así ter "o teu propio YouTube".
A diferencia con YouTube é que non hai intención de crear unha enorme plataforma centralizada de vídeos de todo o mundo nunha granxa de servidores (que é tremendamente caro).
Polo contrario, o concepto de PeerTube é crear unha rede de múltiples pequenos provedores de hospedaxe interconectados.
Ten intención PeerTube de substituír a YouTube?
Podemos responder con certeza: non!
Porén, a ambición é ser unha alternativa libre e descentralizada: o obxetivo dunha alternativa non é substituír, se non propoñer algo máis, con diferentes valores, en paralelo ao xa existente.
Cales son as principais vantaxes de PeerTube?
Código aberto con licenza libre
- PeerTube proporciónasae gratuítamente, non tes que pagar para instalalo no servidor
- Podemos mirar dentro de PeerTube (o seu código fonte): é auditable, transparente
- Pode ser mellorada coas contribucións de todas as persoas
Federación interconectada de provedores de hospedaxe
- Descentraliza a almacenaxe de vídeo e o poder de decisión
- Podemos mostrar vídeos e contas de outras webs PeerTube
- Baseado en ActivityPub para, por exemplo, conectar con ferramentas como Mastodon.
Retransmisión entre iguais
- Reduce a carga de ancho de banda preciso no servidor se este se fai moi popular
- Convertémonos nun actor máis da retransmisión de vídeo
- Baseada en WebRTC, un proxecto libre e de código aberto para navegadores web.
Grandes características para as espectadoras
- Desfruta do reprodutor adaptable que inclúe capítulos e vista previa na interface web ou na aplicación móbil
- Personalizar a interface con decorados, filtrar, axustes NSFW, e preferencia de reprodución automatica
- Gardar vídeos para máis tarde, organizar listas, retomar a reprodución, e ver o historial
- Sigue canles e accede a novos vídeos nunha canle dedicada
- E moitas máis características!
Para creadoras de contido
- Unirse a unha comunidade con valores compartidos, falar con persoas reais que administran, exportar/importar contido entre plataformas PeerTube
- Permitir a PeerTube sincronizar automaticamente unha canle remota (Youtube, Vimeo, etc.)
- Acceso a estatísticas polo miúdo, edición (recortar, marca de auga, prólogo/epílogo) ou subir nova versión do vídeo
- Retransmite con OBS ou outro software RTMP, permite repeticións e interactuar coa audiencia en directo
- Xestionar varias canles que poden seguirse en plataformas ActivityPub (PeerTube, Mastodon, Pleroma, etc.) para maior alcance
- E moitas máis características!
E para quen administra
- Control completo sobre a configuración e personalización con complementos e decorados
- Personaliza a páxina de inicio con Markdown/HTML, pon a túa propia marca (avatar, cabeceira, categorías), define os valores predeterminados para as usuarias, e mensaxes informativos na cabeceira
- Xestión da creación de contas, establecer límites de subida, asignar roles de xestión, revisar denuncias por abuso, bloquear ou vetar usuarias, acalar contas ou plataformas
- Transcodificación avanzada de vídeo coa posibilidade de usar servidores remotos
- E moitas máis características!